4. ARIKETA: CURRICULUMA

HAUSNARKETA

Laugarren ariketa honetan, irakasleak curriculumaren inguruko sei galdera planteatu zituen:

- Nola dakit nik, irakasle bezala, zer landu behar dudan klasean?
- Zertan oinarritzen naiz zer eman behar dudan jakiteko?
- Nork erabakitzen du zer eman behar den klasean?
- Zentro guztietako edukiek berak izan behar al dute?
- Klasean eman beharrekoa prestatu behar al da?
- Ikasleek klasean ikasten duten guztia prestatu behar al da?

Askotan genuen entzunda “curriculumaren” kontzeptua baina ez genekien zehatz-mehatz zer zen. Horregatik, hasiera batean erdipurdiko erantzunak eman genizkien planteatutako galderei eta behin irakaslearekin eta klasekideekin amankomunean jarri ondoren, zertxobait gehiago ulertu genuen “curriculumaren” kontzeptu hori.

Ariketa honi esker, konkrezio mailen berri izan dugu (Madrilgo Gobernua, Eusko Jaurlaritza, Ikastetxeak, irakasle bakoitza) eta baita curriculum ezberdinen berri ere (Curriculuma, Curriculum ezkutua eta Curriculum nulua).

Garrantzitsua iruditu zaigu, legeekin batera, Curriculumaren eraketa eta erabilera hori. Ikaskuntza prozesua modu egoki batean bideratzeko ezinbestekoa da irizpideak ondo markatuak izatea eta Curriculumak, azken finean, hori ahalbidetzen du.

Irakaslearen lanari dagokionez, argi geratu zaigu inprobisazioari ahalik eta tarte txikiena utzi behar zaiola eta eskola-orduak ongi prestatu behar direla. Halere, badaude zenbait aspektu preparatu ezinak direnak eta horiek ere garrantzitsuak dira, klaseko norabidea baldintzatuko baitute ezinbestean: ikasleen jokabidea, jarrerak… Azken honi Curriculum Ezkutua deitzen diogu eta aspektu horiek, irakasleak ezin ditu aurreikusi edo aurretik prestatuta eraman.