HAUSNARKETA
Ariketa honetan, bi zati bereiztu ditugu: lehenengoan, klaseko bost ordu guk nahi bezala banatu behar izan ditugu; bigarren zatian, aldiz, beste bi ordu banaketa ezberdin baloratzeko eta kritikatzeko aukera izan dugu.
Orduen banaketa aztertzerakoan, irakasgai batzuen balorazio eskasa nabarmendu nahiko genuke. Plastika eta musika moduko irakasgaiek besteekin konparatuz ordu-kopuru askoz gutxiago dituzte. Argi dago beste irakasgai batzuek, hala nola, matematika, gizarte-zientziak, hizkuntzak… praktikotasun gehiago dutela eta goi- edota erdi-mailako ikasketetan erabilera-eremua zabalagoa dutela.
Halere, irakasgai hauek gehiago baloratuz gero, agian etorkizuneko erabilera-eremu horretan toki handiagoa izango lukete. Aldiz, eskoletan ematen zaien trataera askotan ez zaigu oso serioa edota planifikatua iruditzen eta horrek ezinbestean baldintzatzen ditu irakasgai horiek eta baita irakasgai horiek gogoko dituzten ikasleak ere.
Ariketa burutzerakoan, hirurok karrera bera ikasteak tirabira gutxiago sortu ditu. Izan ere, gutxi gora-behera irakasgai antzerakoak jotzen ditugu “garrantzitsutzat” eta horrek ordu-banaketan iritzi antzerakoak izatera eraman gaitu. Arrazoitze guztiak dossierrean zehaztuta daudenez, ez ditugu hausnarketa honetan aipatuko.
Ariketa entretenigarria iruditu zaigu, nolabait ikastetxe bateko lankideen artean sortuko litzatekeen eztabaida bat irudikatu baitugu, irakasgai bakoitza uste dugun garrantziaren eta erabileraren arabera baloratuz eta ez norberaren gustuen arabera, orain arte “ikasle” ikuspegitik egin dugun bezalaxe.
Suscribirse a:
Enviar comentarios (Atom)
No hay comentarios:
Publicar un comentario