HAUSNARKETA
Joko didaktikoen alderaketa planteatzen duen jarduera oso interesgarria iruditu zaigu, denen artean interesgarriena eta dibertigarriena, egia esateko.
Guretzat berria izan da joko didaktikoekin jolastea, guk gure ikasle garaian ez baikenituen horrelakoak erabili. Umeentzat oso egokiak iruditzen zaizkigu, edukiak garatzeko eta barneratzeko eta IKTak hezkuntzan sartzearen ondorio positiboetako bat joko hauek direla uste dugu. Honek ikasketa prozesuari laguntzen dio batez ere motibazioari (motibatu egiten ditu ikaslea).
Jokoak, gainera, anitzak dira, eduki ezberdinak garatzen dituzte. Alor eta funtzio ezberdinetarako erabil daitezke, norberak bere interesen arabera aukera dezan. Heziketa berezia behar duten umeentzat ere, esaterako, badaude joko bereziak. Finean, jokoak hartzaile anitzari egokitzen dira.
Ikastea dibertigarria (edo dibertigarriagoa behintzat) bihurtzen da, dagoeneko ez dute testuliburu astun bati begira jardun behar. Finean, eskola eta dibertsioa bateragarriak direla frogatzen dute joko didaktikoek.
Umeez gain gurasoek ere ikas dezakete beren seme-alabekin batera eta hauxe da alderdirik interesgarrienetako bat. Nahita edo nahigabe, gurasoak beren seme-alaben hezkuntza-prozesuan integratzen dira, eurek ere parte hartuz eta irakaskuntza-ikaskuntza eremua zabalduz.
Suscribirse a:
Enviar comentarios (Atom)
No hay comentarios:
Publicar un comentario